प्रधानमन्त्री पुष्पकमल दहालको दोस्रो भारत भ्रमण सुरु भयो। हुन त माओवादीलगायत सबै कम्युनिष्टको राजनीतिको सूत्र भारतको विरोध नै हो। प्रधानमन्त्री हुने वित्तिकै चीन पुगेका दहाललाई नेपालमा वामपन्थी वृत्तले भारतको नेपालप्रतिको प्रवृत्तिको विरोधमा लिएका थिए र दहालले सन्तुलित परराष्ट्र नीति अवलम्बन गर्न खोजेको भनेर ठूलै स्वरले समर्थन गरेका थिए। तर त्यो कुरा त्यो बेला स्खलित भयो जब दहालले चीनबाट फर्कने क्रममा विमानस्थलमा बताए कि पहिलो राजनैतिक भ्रमण त भारतकै हुन्छ। र अहिले दोस्रो राजनैतिक भ्रमण पनि भारतकै हुनु झन् अचम्मको भएको छ निहुँ जे सुकै होस्। बिमस्टेकको निहुँमा राजकीय भ्रमणको जत्तिकै र जत्रै भीड लिएर जानु जरुरी थिएन। अघिल्लो भ्रमण पूर्ण रूपमा असफल रहेको कुरा कसैबाट छिपेको छैन। र भारत जानु पूर्व नेपाली काँग्रेसले उठाएको भनिएका सबै नौवटै माग पूरा गर्ने कुरा गरेर सायद भारतबाट आशिर्वाद पाउने प्रयास हुन सक्छ।
अनि एमालेका झलनाथ खनालले यसलाई राम्रै गरी अर्थ लगाएका छन् - एमालेलाई सरकारबाट निकालेर काँग्रेसलाई भित्र्याउने चलखेल!
